ರಮೇಶ್ ಬಂಡಿಸಿದ್ದೇಗೌಡ್ರ ಅಧ್ಯಕ್ಷತೆಯಲ್ಲಿ ಭಾರಿ ಭ್ರಷ್ಟಾಚಾರವಂತೆ..!?

ಬೂದನೂರು ಪಂಚಾಯತ್ ‘ಪವರ್’ ಹಗರಣ: ಜನರ ತೆರಿಗೆ ಹಣದಲ್ಲಿ ಅಧಿಕಾರಿಗಳ ಅಕ್ರಮಕ್ಕೆ ದಂಡ!

ಮಂಡ್ಯ ಜಿಲ್ಲೆಯ ಗ್ರಾಮ ಪಂಚಾಯತಿಗಳಲ್ಲಿ ಸಾರ್ವಜನಿಕರ ಹಣ ‘ದೋಚಲು’ ಭ್ರಷ್ಟ ಅಧಿಕಾರಿಗಳು ಹೊಸ ದಾರಿ ಕಂಡುಕೊಂಡಿದ್ದಾರೆ!
ಅಕ್ರಮವಾಗಿ ವಿದ್ಯುತ್ ಕಳ್ಳತನ ಮಾಡುವುದು, ಸಿಕ್ಕಿಬಿದ್ದಾಗ ಲಕ್ಷಾಂತರ ರೂಪಾಯಿ ದಂಡವನ್ನು ಜನರ ತೆರಿಗೆ ಹಣದಲ್ಲೇ ಕಟ್ಟುವುದು. ಇಷ್ಟೇ ಆಗಿದ್ದರೆ ಇದು ಕೇವಲ ಆರ್ಥಿಕ ಹಗರಣವಾಗುತ್ತಿತ್ತು. ಆದರೆ, ಈ ಅಕ್ರಮವನ್ನು ಪ್ರಶ್ನಿಸಿದ ಹೋರಾಟಗಾರರಿಗೆ ‘ಸುಳ್ಳು ದೂರು ದಾಖಲಿಸುವ ಬೆದರಿಕೆ’ ಹಾಕುವ ಮೂಲಕ ಬೂದನೂರು ಪಂಚಾಯತ್ ಆಡಳಿತ ಮಂಡಳಿ ಈಗ ರೌಡಿಸಂಗೆ ಇಳಿದಿದೆ!
ಬೂದನೂರು ಗ್ರಾಮ ಪಂಚಾಯತಿಯಲ್ಲಿ ನಡೆದ ಹಗಲು ದರೋಡೆಯ ವಿರುದ್ಧ ಈಗ ಲೋಕಾಯುಕ್ತಕ್ಕೆ ದೂರು ಸಲ್ಲಿಕೆಯಾಗಿದ್ದು, ಆಡಳಿತ ಮಂಡಳಿಯ ನಿದ್ದೆಗೆಡಿಸಿದೆ.

ದಂಡದ ‘ಕತ್ತಲ’ ಲೋಕ: ಏನಿದು ಹಗರಣ?
​ಬೂದನೂರು ಗ್ರಾಮ ಪಂಚಾಯತಿ ವ್ಯಾಪ್ತಿಯಲ್ಲಿ ಅಕ್ರಮವಾಗಿ ವಿದ್ಯುತ್ ಸಂಪರ್ಕ ಪಡೆದಿದ್ದಕ್ಕೆ ಸೆಸ್ಕ್ (CESC) ಜಾಗೃತ ದಳವು ರೂ. 1,27,354 ದಂಡ ವಿಧಿಸಿತ್ತು.
​ಅಧಿಕಾರ ದುರುಪಯೋಗ: ಈ ದಂಡವನ್ನು ತಪ್ಪು ಮಾಡಿದ ಪಿಡಿಒ ಅಥವಾ ಅಧ್ಯಕ್ಷರ ಜೇಬಿನಿಂದ ಭರಿಸುವ ಬದಲು, ಗ್ರಾಮದ ಮೂಲಸೌಕರ್ಯಕ್ಕೆ ಬಳಕೆಯಾಗಬೇಕಿದ್ದ 15ನೇ ಹಣಕಾಸು ಯೋಜನೆಯ ಹಣದಲ್ಲಿ ಪಾವತಿಸಲಾಗಿದೆ.

​ಸಭೆಯ ಕಣ್ಣಿಗೆ ಮಣ್ಣು: ಇಷ್ಟೊಂದು ದೊಡ್ಡ ಮೊತ್ತದ ಸಾರ್ವಜನಿಕ ಹಣವನ್ನು ಪಾವತಿಸುವಾಗ ಸಾಮಾನ್ಯ ಸಭೆಯಲ್ಲಿ ಚರ್ಚಿಸದೆ, ಕಾನೂನುಬಾಹಿರವಾಗಿ ಹಣ ವರ್ಗಾವಣೆ ಮಾಡಲಾಗಿದೆ.

ರಮೇಶ್ ಬಂಡಿಸಿದ್ದೇಗೌಡ್ರೆ ನೋಡಿ ನಿಮ್ಮ ಆಡಳಿತದಲ್ಲಿ ಸೆಸ್ಕ್ ಕಣ್ಗಾವಲು ಪಡೆಯ ‘ಉದಾರತೆಯನ್ನ ‘: ಕಳ್ಳತನದ ದಂಡ ಪಾವತಿಯಲ್ಲೂ ಅಕ್ರಮ?

2021ರಲ್ಲಿ ವಿದ್ಯುತ್ ಕಳ್ಳತನಕ್ಕಾಗಿ ಬೂದನೂರು ಗ್ರಾಮ ಪಂಚಾಯತಿಗೆ 3 ಪ್ರಕರಣಗಳಲ್ಲಿ ಒಟ್ಟು ₹ 6, 22, 840 ದಂಡ ವಿಧಿಸಿದ ಸೆಸ್ಕ್ ಜಾಗೃತದಳ ಅದನ್ನು ಬಾಕಿ ಪಾವತಿಯಡಿ (ಬಿಬಿಸಿ)ಪಾವತಿಸಲು ಅವಕಾಶ ನೀಡಿ ತೆರಿಗೆ ಹಣ ಲಪಟಾಯಿಸಲು ಗ್ರಾಪಂಗೆ ಅವಕಾಶ ನೀಡಿದೆ.

ನಿಯಮದ ಪ್ರಕಾರ ಕಳ್ಳತನದ ದಂಡವನ್ನು ತಕ್ಷಣವೇ ಭರಿಸಬೇಕಿತ್ತು. ಆದರೆ, ಸೆಸ್ಕ್ ಅಧಿಕಾರಿಗಳು ಈ ದಂಡದ ಮೊತ್ತವನ್ನು ‘ಬಾಕಿ ಪಾವತಿ’ (BBC – Back Billing Charges) ಅಡಿಯಲ್ಲಿ ಪಾವತಿಸಲು ಅವಕಾಶ ಮಾಡಿಕೊಟ್ಟಿದ್ದಾರೆ ಎಂದು ಆರೋಪಿಸಲಾಗಿದೆ.

​ತೆರಿಗೆ ಹಣಕ್ಕೆ ಕನ್ನ?
ಜಾಗೃತದಳದ ಈ ಕ್ರಮವು ಪರೋಕ್ಷವಾಗಿ ಗ್ರಾಮ ಪಂಚಾಯತಿಗೆ ಸಾರ್ವಜನಿಕರ ತೆರಿಗೆ ಹಣವನ್ನು ದುರುಪಯೋಗಪಡಿಸಿಕೊಳ್ಳಲು ರಹದಾರಿ ಮಾಡಿಕೊಟ್ಟಂತಿದೆ. ಸೆಸ್ಕ್ ಅಧಿಕಾರಿಗಳ ಮತ್ತು ಪಂಚಾಯತಿಯ ಈ ‘ಒಳ ಒಪ್ಪಂದ’ವು ಸರ್ಕಾರದ ಬೊಕ್ಕಸಕ್ಕೆ ನಷ್ಟ ಉಂಟುಮಾಡುವುದಲ್ಲದೆ, ಅಕ್ರಮ ಎಸಗುವವರಿಗೆ ಕುಮ್ಮಕ್ಕು ನೀಡಿದಂತಿದೆ.

ಸಾಮಾನ್ಯ ಜನ ವಿದ್ಯುತ್ ಕಳ್ಳತನ ಮಾಡಿದರೆ ಲಕ್ಷಾಂತರ ದಂಡ ವಿಧಿಸಿ ಕೋರ್ಟ್’ಗೆ ಅಲೆಯುವಂತೆ ಮಾಡುವ ಸೆಸ್ಕ್ ಜಾಗೃತ ದಳ ನೀತಿ ಬಗ್ಗೆ ಹೋರಾಟಗಾರ ಸತೀಶ್ ಬೂಸ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಜನಸಾಮಾನ್ಯರು ಮೂರ್ಕಾಸಿನ ವಿದ್ಯುತ್ ಬಳಸಿದರೂ ಆರ್ಕಾಸು ದಂಡ ವಿಧಿಸುವ ಮೂಲಕ ಲೂಟಿ ಹೊಡೆಯಲಾಗುತ್ತಿದೆ.
ಇನ್ನೂ 2025ರಲ್ಲಿ ಅಕ್ರಮ ಬೀದಿದೀಪ ಸಂಪರ್ಕ ಪಡೆದಿದ್ದ ಬೂದನೂರು ಗ್ರಾಪಂಗೆ ಸೆಸ್ಕ್ 70324 ರೂ ದಂಡ ವಿಧಿಸಿದೆ. ಈ ಬಗ್ಗೆ ತಾಪಂ ಇಒ ಅಭಿಪ್ರಾಯ ಮಂಡಿಸಿ ಅನಧಿಕೃತ ಸಂಪರ್ಕ ಪಡೆಯಲು ಕಾರಣರಾದ ಪಿಡಿಒ, ಕಾರ್ಯದರ್ಶಿ ಹಾಗೂ ಬಿಲ್ ಕಲೆಕ್ಟರ್ ದಂಡ ಪಾವತಿಸಲು ಸೂಚಿಸಿದ್ದರೂ ಗ್ರಾಪಂ ಕ್ಯಾರೆ ಎನ್ನುತ್ತಿಲ್ಲ. ಇದು ಆಡಳಿತದ ಉಸ್ತುವಾರಿಯನ್ನು ಅಣಕಿಸುವಂತಿದೆ.

​ಮಂಡ್ಯ ಜಿಲ್ಲೆಯ ಪಂಚಾಯತಿಗಳಲ್ಲಿ ‘ಕಳ್ಳತನ’ವೇ ಸಾಧನೆ!
​ಮಂಡ್ಯ ಜಿಲ್ಲಾ ಪಂಚಾಯತ್ ಅಧಿಕಾರಿಗಳ ಮೂಗಿನ ನೇರಕ್ಕೇ ಕಳೆದ 5 ವರ್ಷಗಳಲ್ಲಿ ದಾಖಲಾಗಿರುವ ಪ್ರಕರಣಗಳು ಬೆಚ್ಚಿಬೀಳಿಸುವಂತಿವೆ:

ದಾಖಲೆಗಳಿಲ್ಲದ ಸುಳ್ಳು ಸಮರ್ಥನೆ?
​
​ದೂರುದಾರರಾದ ಸವಿತಾ ಹೆಚ್.ಎಸ್. ಅವರು ನೀಡಿದ ದೂರಿನಲ್ಲಿ, ಪಂಚಾಯತಿ ಅಧಿಕಾರಿಗಳು ಸೃಷ್ಟಿಸಿದ ಪತ್ರಗಳಿಗೆ ರವಾನೆ ಸಂಖ್ಯೆಯೇ ಇಲ್ಲದಿರುವುದನ್ನು ಬೆಟ್ಟು ಮಾಡಿದ್ದಾರೆ. ಇದು ಹಗರಣವನ್ನು ಮುಚ್ಚಿ ಹಾಕಲು ಅಧಿಕಾರಿಗಳು ನಡೆಸಿದ ‘ನಕಲಿ’ ಪ್ರಯತ್ನ ಎಂಬ ಅನುಮಾನಕ್ಕೆ ಪುಷ್ಠಿ ನೀಡಿದೆ. ಈ ಕೇಸ್ ಈಗ ಲೋಕಾಯುಕ್ತರ ಅಂಗಳದಲ್ಲಿದ್ದು, ತಪ್ಪಿತಸ್ಥರಿಗೆ ಶಿಕ್ಷೆಯಾಗುವವರೆಗೂ ಹೋರಾಟ ಮುಂದುವರಿಯಲಿದೆ.

ಜನಪ್ರತಿನಿಧಿಗಳೇ ಇನ್ನಾದರೂ ಕಣ್ಣು ಬಿಡಿ!

​ಜಿಲ್ಲಾ ಪಂಚಾಯತ್ ಅಧಿಕಾರಿಗಳು ಈ ಹಗರಣಗಳ ಬಗ್ಗೆ ಗೊತ್ತಿದ್ದೂ ‘ಜಾಣ ಕುರುಡು’ ಪ್ರದರ್ಶಿಸುತ್ತಿರುವುದು ಯಾಕೆ? ಮಾನ್ಯ ಉಸ್ತುವಾರಿ ಸಚಿವರೇ, ನಿಮ್ಮ ಕಣ್ಮುಂದೆಯೇ ಸಾರ್ವಜನಿಕರ ತೆರಿಗೆ ಹಣ ಅಧಿಕಾರಿಗಳ ನಿರ್ಲಕ್ಷ್ಯದಿಂದ ಪೋಲಾಗುತ್ತಿದೆ. ಬೂದನೂರು ಪ್ರಕರಣದಲ್ಲಿ ಪತ್ರಗಳಿಗೆ ರವಾನೆ ಸಂಖ್ಯೆಯೇ ಇಲ್ಲದಿರುವುದು ಇದು ‘ಸೃಷ್ಟಿಸಿದ ಸುಳ್ಳು ದಾಖಲೆ’ ಎಂಬುವುದಕ್ಕೆ ಸಾಕ್ಷಿಯಾಗಿದೆ. ಭ್ರಷ್ಟಾಚಾರದ ವಿರುದ್ಧ ಧ್ವನಿ ಎತ್ತಿದ ಹೋರಾಟಗಾರರಿಗೆ ಬೆದರಿಕೆ ಹಾಕುವ ಮಟ್ಟಕ್ಕೆ ಆಡಳಿತ ಮಂಡಳಿ ಇಳಿದಿರುವುದು ಪ್ರಜಾಪ್ರಭುತ್ವಕ್ಕೆ ಆಪತ್ತಾಗಿದೆ.

ಜಿಲ್ಲಾ ಪಂಚಾಯತ್ ಆಡಳಿತಕ್ಕೆ ನಮ್ಮ ಪ್ರಶ್ನೆಗಳು:

​ಅಕ್ರಮ ವಿದ್ಯುತ್ ಸಂಪರ್ಕಕ್ಕೆ ವಿಧಿಸಿದ ದಂಡವನ್ನು ಅಧಿಕಾರಿಗಳ ಸಂಬಳದಿಂದ ವಸೂಲಿ ಮಾಡದೆ, ಪಂಚಾಯತ್ ಹಣದಿಂದ ಕಟ್ಟಿದ್ದು ಯಾಕೆ?
​386 ಪ್ರಕರಣಗಳು ನಡೆದಿದ್ದರೂ ಜಿಲ್ಲಾ ಪಂಚಾಯತ್ ಸಿಇಓ ರವರು ಮೌನಕ್ಕೆ ಶರಣಾಗಿದ್ದೇಕೆ?
​ಸಾರ್ವಜನಿಕ ಹಣ ಲೂಟಿ ಮಾಡುತ್ತಿರುವ ಭ್ರಷ್ಟ ಅಧಿಕಾರಿಗಳನ್ನು ಇನ್ನೂ ಅಮಾನತು ಮಾಡದಿರುವುದು ಯಾರ ಒತ್ತಡಕ್ಕೆ?

​ಬಾಟಮ್ ಲೈನ್: ಅಧಿಕಾರ ಇರುವುದು ಜನರ ಸೇವೆಗೇ ಹೊರತು, ಕಳ್ಳತನದ ದಂಡ ಕಟ್ಟಲು ಜನರ ಹಣ ಬಳಸುವುದಕ್ಕಲ್ಲ. ಲೋಕಾಯುಕ್ತ ತನಿಖೆಯಿಂದ ಈ ‘ಕತ್ತಲ’ ಹಗರಣಕ್ಕೆ ಬಿಸಿ ಮುಟ್ಟಲೇಬೇಕಿದೆ!